كيكة الباوني
-
-
- المقادير:
الكيك ::
3 بيضات + 2 كيس فانيليا
2 كوب دقيق + ملعقة بيكنج بودر
34 كوب سكر
34 كوب زيت
1 كوب لبن سائل
كاكاو
:::::::حشوة جوز الهند (الباونتى ) :::::::
2 كوب جوز هند مبشور
34 كوب سكر
5 ملاعق كبيرة سميد بسبوسة
2 ملعقة كبيرة زبدة
2 14 كوب حليب سائل
ملعقة كبيرة حليب نيدو
- التحضير:
انا عملتها بطريقة الشاتو مع بعض اختراعاتى طبعا
1) نحط اللبن و السكر فى الخلاط
2) نزود عليهم الزيت و الكاكاو و نضربهم كويس اوىىىىىىىىىىى
3) ناخد منهم كباية و نحطها فى التلاجة
4) نزود على الخليط البيض و الفانيليا و نضربهم ضربا مبرحا هتى يستغيثوا
5) نحط الخليط فوق الدقيق و البيكنج بودر و نقلبهم كويس
6)نبطن الصنية بالسمنة و بدل الدقيق نحط كاكاو
علشان لما نيجى نقلبها او ناكلها يبقى شكلها كويس و طعمها حلو و الدقيق
ميبقاش معجن فيها
7)نحط الخليط فى الصنية و ندخلها الفرن على درجة حرارة 180
8) و ده شكلها لما خرجت يا ولدااااااااااااااااه
و نسيبها لحد متبررررد خالصصصصصصص
نيجى بقى لطريقة حشوة جوز الهند ::::
1) نحط المقادير الجافة كلها فوق بعضها
يا جمالها يا جمالهاااااااااا ياختى منورة
بينى و بينكو انا كنت حاسة انى بعككككككككككك
بس الحمد لله مطلعش عك
و الانسة كيكة المبجله وافقت تتعايش مع ضيفتها الطبقة اللى فوق و مسكو فى بعض و بقت علاقتهم وطييييييييده جداااااااااااا
المهم انها الحمد لله طلع شكلها مظبوط تماما
دماغى بتفكر و انا بكتب
ده انا مجنونة رسمى فى حد يعمل كيكة من غير ميدوقها ولا يشوفلها صورة ولا اى حاجة
يلا اللى حصل بقى معلش
تعالوا نكمل و نوشف اخرتها
الدور بقى دلوقتى على الطبقة الاخيررررة
فاكرين طبعا كباية الخليط اللولبى بتاعنا اللى حطيناها فى التلاجه
هنجيبها و نحط عليها نص كباية لبن و معلقتين سكر و معلقتين نشا و نقلبها كويس على النار هادية لحد ميبقو عاملين زى الصوص كدة
و بعد كدة لما تهدى شوية من السخونية نحطها فوق الكيك و نساويها بالشكل ددددده
و هوبااااااااا على التلاجة بتاع 3 و لا 4 ساعات كدة
0 التعليقات: